Monday, 7 May 2018

JO TUM JEE RAHE HO WO HAQIKAT NAHI.....


jo tum jee rahe ho wo haqikat nahi
tumhare alwa or kisi ko tumhari
 jrurat nahi

jo tum jee rahe ho wo haqikat nahi.....

kuch tumse wade karenge
kuch tumhari kasme bhi khaenge

par sach to ye hai ki ye sirf bate hai
inki koi ehmiyat hi nahi

jo tum jee rahe ho wo haqikat nahi.....

kuch tumhare faislon par ungli uthaenge
par sahi me
wo tumhari kamiyaabi seh nahi paenge

ye kagaz ke tukde jo tumhe khushi dete hai
sirf inke piche bhagne par ye tumse se
sab kuch chin lete hai

jo tum sochte ho zindgi ke bare me
mere dost ye bilkul bhi asliyat nahi

jo tum jee rahe ho wo haqikat nahi.....

tumhari sharafat ka koi mol nahi hai
tumhare jazbaaton ka koi tol nahi hai

zamana lakh koshishein karega
yumhe apna banane ki

tumhare paas aane ki
yumde pyar jatane ki

tum ummid karoge ki ab bas
sab sahi chalega tumhare zindgi me

thik usi waqt akela chodkar
chala jaega koi apna tumhe

ye kehkar ki wo tumhari milkiyat nahi
ki jo jo tum jee rahe ho wo haqikat nahi.....

unke man or unki marzi se rahenge
wo sath tumhare

unki har chiz jaruri hogi
kuch nahi hoga bad tumhare

unke hone na hone se chahe
tumhe farq padta ho

fir bhi wo tumhe dukh pahuchaenge
chahe isme tumhari sahuliyat nahi

ki jo jo tum jee rahe ho wo haqikat nahi.....

be - parwaah hokar jee lo tum
khush rahoge

parwaah karke jeene me tumhari
koi khairiyat nahi

ki mere dost jo tum jee rahe ho wo haqikat nahi.....



अप्रतिम और अप्रकाशित                                                                   By PRASHANT GURJAR


you can also follow me on -

Instagram - @prashant gurjar
Facebook - #blank voice
Youtube - Prashant gurjar
 

No comments:

Post a Comment